भारतातील आंतरराष्ट्रीय स्पर्धा आयोजनाचा मार्ग सुकर

Share

Tweet

Share

Share

Email

Comments

भारतात ऑलिम्पिकशी संबंधित होणाऱ्या आंतरराष्ट्रीय स्पर्धांसाठी पात्र ठरणाऱ्या कोणत्याही देशाच्या अॅथलिट्सना येथे येण्यास परवानगी दिली जाईल, असा महत्त्वपूर्ण निर्णय केंद्र सरकारने घेतला आहे. तसे लेखी आश्वासन केंद्र सरकारने भारतीय ऑलिम्पिक संघटना (IOA) व आंतरराष्ट्रीय ऑलिम्पिक संघटनेला (IOC) दिले आहे. यामुळे पाकिस्तानी अॅथलिट्स भारतात होणाऱ्या आंतरराष्ट्रीय स्पर्धेत आता सहभागी होऊ शकणार आहेत.

पाकिस्तानी नेमबाजांना व्हिसा नाकारल्याच्या पार्श्वभूमीवर भारतात ऑलिम्पिकशी संबंधित स्पर्धांच्या आयोजनास परवानगी दिली जाणार नाही, अशी भूमिका आंतरराष्ट्रीय ऑलिम्पिक समितीने घेतली होती. या भूमिकेनंतर सखोल विचार करून केंद्राने सकारात्मक निर्णय घेतला आहे.