नाशिकमध्ये दरोडेखोरांचा धुडगूस, मुत्थुट फायनान्सवर गोळीबार

Share

Tweet

Share

Share

Email

Comments

उंटवाडी (नाशिक) येथील मुत्थुट फायनान्सच्या कार्यालयात सहा दरोडेखोरांनी आज धुडगूस घातला. या कार्यालयात लूटमार करतानाच दरोडेखोरांनी गोळीबार करत कार्यालयातील कर्मचाऱ्यांना मारहाणही केली. त्यात कार्यालयातील एक कर्मचारी ठार झाला असून तीन कर्मचारी जखमी झाले आहेत. भरदिवसा दरोडेखोरांनी दरोडा टाकल्याने नाशिकमध्ये खळबळ उडाली असून पोलीस अधिक तपास करत आहेत. 

दरोडेखोरांकडून कार्यालयातील कर्मचाऱ्यांना मारहाण सुरू असतानाच सुरक्षा रक्षकाने सायरन वाजविल्याने चिडलेल्या दरोडेखोरांनी गोळीबार करत तिथून पलायन केलं. या दरोडेखोरांच्या हाती काहीही लागलं नसल्याचं पोलीस सूत्रांनी सांगितलं. या घटनेची माहिती मिळताच पोलीस आयुक्त विश्वास नांगरे-पाटील यांच्या पथकाने घटनास्थळी धाव घेतली. श्वानपथक आणि फॉरेन्सिक लॅबचे पथक याप्रकरणी कसून तपास करत आहे. दरम्यान, दिवसाढवळ्या दरोडेखोरांनी धुडगूस घातल्याने नाशिक शहर हादरून गेलं आहे.