मुंबई, उपनगरांमध्ये मान्सूनपूर्व पावसाच्या सरी

Share

Tweet

Share

Share

Email

Comments

मुंबई, उपनगरे आणि ठाणे जिल्ह्यातील काही भागांमध्ये मान्सूनपूर्व पावसाच्या सरी कोसळल्या. मान्सून अद्याप महाराष्ट्रात दाखल झालेला नाही. यामुळे मुंबईसह महाराष्ट्र अद्यापही पावसाच्या प्रतीक्षेत आहे. पुढच्या दोन ते तीन दिवसांमध्ये मान्सून कोकणात दाखल होईल, असा हवामान विभागाचा अंदाज आहे. 

मुंबईत कुलाबा येथे गेल्या २४ तासांत १७.८ मीमी इतक्या पावसाची नोंद झाली. मुंबईसह उपनगरांमध्येही पावसाने हजेरी लावली. पण हा मान्सूनचा पाऊस नसून अवकाळी पाऊस असल्याची माहिती हवामान विभागने दिली आहे.

यंदा मान्सून अद्याप केरळ आणि कर्नाटकच्या दक्षिण भागात पोहोचला आहे. याचं प्रमुख कारण म्हणजे वायू चक्रीवादळ. यामुळे मान्सून पूर्णपणे सक्रिय होण्यासाठी आणखी आठवडाभर लागणार आहे. तर महाराष्ट्रात मान्सून २५ जूनपर्यंत दाखल होईल, अशी माहिती हवामान विभागाचे अधिकारी के. डी. शिवनंद यांनी दिली. जूनच्या अखेरीस मान्सून मध्य भारतातील बहुतेक भाग व्यापेल. पण जवळपास १५ दिवस उशीराने मान्सूनचीही वाटचाल सुरू आहे.