വാഷിങ്ടണ്‍: അന്താരാഷ്ട്ര കമ്ബനികള്‍ ഇന്ത്യയില്‍നിന്ന് ശേഖരിക്കുന്ന ഉപഭോക്തൃ വിവരങ്ങള്‍ രാജ്യത്തു തന്നെ സൂക്ഷിക്കണമെന്ന വ്യവസ്ഥക്ക് തിരിച്ചടിയായി എച്ച്‌-1ബി വിസക്ക് നിയന്ത്രണമേര്‍പ്പെടുത്തില്ലെന്ന് യു.എസ്. റോയിട്ടേഴ്സ് നല്‍കിയ വാര്‍ത്തയിലാണ് ഡാറ്റ ഇന്ത്യയില്‍ തന്നെ സൂക്ഷിക്കണമെന്ന നിയമത്തിന് മറുപടിയുമായി എച്ച്‌-1ബി വിസ യു.എസ് നിയന്ത്രിക്കുമെന്ന് വിവരം പുറത്ത് വിട്ടത്.
ഡാറ്റ പ്രാദേശിക സര്‍വറുകളില്‍ സൂക്ഷിക്കണമെന്ന വ്യവസ്ഥക്ക് മറുപടിയായി എച്ച്‌-1ബി വിസ നിയന്ത്രിക്കില്ലെന്ന് യു.എസ് സ്റ്റേറ്റ് ഡിപ്പാര്‍ട്ട്മെന്‍റ് അറിയിച്ചു. അതേസമയം, ഡാറ്റക്ക് അതിരുകള്‍ ഇല്ലാതാകണമെന്നാണ് ആഗ്രഹമെന്നും യു.എസ് അധികൃതര്‍ വ്യക്തമാക്കി.
ഇന്ത്യയില്‍ നിന്ന് ശേഖരിക്കുന്ന ഉപഭോകതൃ വിവരങ്ങള്‍ ഇവിടെ തന്നെ സൂക്ഷിക്കണമെന്ന വ്യവസ്ഥക്കെതിരെ ഇകോമേഴ്സ് കമ്ബനികളാണ് പ്രധാനമായും രംഗത്തെത്തിയത്. ഇ-കോമേഴ്സ് നയത്തിന്‍െറ ഭാഗമായുള്ള നിയമം അധിക ബാധ്യതയുണ്ടാക്കുമെന്ന് ചൂണ്ടിക്കാട്ടിയാണ് കമ്ബനികള്‍ ഇതിനെ എതിര്‍ക്കുന്നത്.
ഇ-കോമേഴ്സ് സൈറ്റുകള്‍ വഴിയും സമൂഹമാധ്യമങ്ങള്‍ വഴിയും വ്യാപകമായി ശേഖരിക്കപ്പെടുന്ന, ജനങ്ങളുടെ വ്യക്തിഗത വിവരങ്ങള്‍ രാജ്യാതിര്‍ത്തി കടന്ന് പോകുന്നതിനെതിരായ നിലപാടാണ് കരട് ഇ-കോമേഴ്സ് നയത്തിലൂടെ നടപ്പാക്കുന്നത്.
WhatsApp us