ஆக்கிரமிப்பு காஷ்மீர் பகுதி பயங்கரவாதிகளின் கட்டுப்பாட்டில் இருப்பதாக இந்திய ராணுவ தலைமை தளபதி பிபின் ராவத் தெரிவித்துள்ளார்.
டெல்லியில் நடைபெற்ற நிகழ்ச்சி ஒன்றில் பேசிய அவர், பாகிஸ்தானால் சட்டவிரோதமாக ஆக்கிரமிக்கப்பட்டுள்ள காஷ்மீர் பகுதி, தற்போது அந்நாட்டு அரசின் கட்டுப்பாட்டில் இல்லை என்றும், பயங்கரவாதிகளின் கட்டுப்பாட்டில் இருக்கிறது என்றும் குறிப்பிட்டார்.
இந்திய ராணுவத்தின் காலாட்படைக்கு உலகின் மிகச்சிறந்த ரைபிள் துப்பாக்கியான அமெரிக்க தயாரிப்பு சிக் சாயர் (Sig Sauer), இந்த ஆண்டின் இறுதிக்குள் அளிக்கப்படும் என்றும் ராவத் கூறினார்.
ஜம்மு-காஷ்மீர் பகுதி இந்தியாவின் ஒருங்கிணைந்த பகுதிகளில் ஒன்று என்றும், இதில் ஆக்கிரமிப்பு காஷ்மீர், கில்ஜித் பல்டிஸ்தானும் அடங்கும் என்றும் அவர் தெரிவித்தார். இந்த பகுதிகளில், கில்ஜித் பல்டிஸ்தானும், ஆக்கிரமிப்பு காஷ்மீரும் பாகிஸ்தானால் சட்டவிரோதமாக ஆக்கிரமிக்கப்பட்டிருக்கிறது என்றும் ராவத் குற்றம்சாட்டினார்.
WhatsApp us