കര്‍ണാടക നിയമസഭ; വിശ്വാസ വോട്ടെടുപ്പ് ഇന്ന്

Share

Tweet

Share

Share

Email

Comments

ബെംഗളൂരു: കര്‍ണാടക നിയമസഭയിലെ നാടകീയ രംഗങ്ങള്‍ക്ക് ഇന്ന് തിരശീല വീഴും. സഭ ഇന്ന് രാവിലെ 10 മണിക്ക് വീണ്ടും ചേരുമെന്നും വൈകിട്ട് 6 മണിക്കുള്ളില്‍ വിശ്വാസ വോട്ടെടുപ്പ് നടത്തുമെന്നും സപീക്കര്‍ കെ ആര്‍ രമേശ് കുമാര്‍ വ്യക്തമാക്കി. വൈകിട്ട് നാല് മണിക്കുള്ളില്‍ ചര്‍ച്ച പൂര്‍ത്തീകരിക്കണമെന്നും സ്പീക്കര്‍ അറിയിച്ചു.

തിങ്കളാഴ്ച്ച അര്‍ദ്ധരാത്രി വരെ നീണ്ട സഭാ നടപടികള്‍ പ്രതിഷേധം ശക്തമായതിനെ തുടര്‍ന്ന് പിരിയുകയായിരുന്നു. ഇന്ന് രാവിലെ 11 മണിക്ക മുന്‍പായി സ്പീക്കറുടെ മുന്നില്‍ ഹാജരാകാത്ത വിമത എം.എല്‍.എമാരെ അയോഗ്യരാക്കുമെന്ന മുന്നറിയിപ്പും സ്പീക്കര്‍ നല്‍കിയിരുന്നു. എന്നാല്‍ വിശ്വാസ വോട്ടെടുപ്പിന് ശേഷം മാത്രമെ ബെംഗലൂരുവില്‍ തിരിച്ചെത്തു എന്ന നിലപാടില്‍ ഉറച്ച് നില്‍ക്കുകയാണ് വിമത എംഎല്‍എമാര്‍.

അതേസമയം, വിശ്വാസ വോട്ടെടുപ്പ് എത്രയും വേഗം പരിഗണിക്കണമെന്നുള്ള വിമത എംഎല്‍എമാരുടെ ഹര്‍ജി കോടതി ഇന്ന് പരിഗണിക്കും.