ആലപ്പുഴ: കുട്ടനാട് എംഎല്‍എ തോമസ് ചാണ്ടിയുടെ റിസോര്‍ട്ടിന് പിഴ ചുമത്തിയ ആലപ്പുഴ നഗരസഭയുടെ തീരുമാനം സംസ്ഥാന സര്‍ക്കാര്‍ തള്ളി. ലേക് പാലസ് റിസോര്‍ട്ടില്‍ നിന്ന് പിഴയും നികുതിയും ഈടാക്കുന്നത് തടഞ്ഞു. റിസോര്‍ട്ടിന് സര്‍ക്കാര്‍ നിര്‍ദേശിച്ച നികുതി ഈടാക്കാന്‍ അഡിഷണല്‍ ചീഫ് സെക്രട്ടറി ഉത്തരവിറക്കി.
അനധികൃത നിര്‍മാണങ്ങള്‍ കണ്ടെത്തിയതിനെത്തുടര്‍ന്ന് ആലപ്പുഴ നഗരസഭ റിസോര്‍ട്ടിന് 1.17 കോടി രൂപയാണ് നികുതിയിട്ടത്. തുടര്‍ന്ന് എംഎല്‍എയുടെ കമ്ബനിയുടെ അപ്പീലില്‍ സര്‍ക്കാര്‍ പിഴത്തുക 34 ലക്ഷം ആയി വെട്ടിക്കുറച്ചു. എന്നാല്‍ സര്‍ക്കാര്‍ തീരുമാനം അംഗീകരിക്കാനാവില്ലെന്നും നഗരസഭയുടെ അധികാരത്തിലുള്ള കൈകടത്തലാണെന്നും നഗരസഭ കൗണ്‍സില്‍ നിലപാടെടുത്തു.
ഇതോടെ വിഷയത്തില്‍ തോമസ് ചാണ്ടിക്ക് അനുകൂലമായി വീണ്ടും സര്‍ക്കാര്‍ ഉത്തരവ് ഇറക്കുകയായിരുന്നു. നഗരസഭാ തീരുമാനം അസാധുവാക്കിയ ഉത്തരവിന്‍റെ പകര്‍പ്പ് പുറത്തായി. സര്‍ക്കാര്‍ നിര്‍ദേശിച്ച പിഴയിടാക്കാനുള്ള നടപടി സ്വീകരിക്കണമെന്ന് ഉത്തരവില്‍ പറയുന്നു.
WhatsApp us