പതിനേഴാമത് ലോക്‌സഭയുടെ ആദ്യസമ്മേളനം ഇന്ന് ആരംഭിക്കും

Share

Tweet

Share

Share

Email

Comments

പതിനേഴാമത് ലോക്‌സഭയുടെ ആദ്യസമ്മേളനം ഇന്ന് ആരംഭിക്കും. ആദ്യ രണ്ട് ദിവസവും തെരഞ്ഞെടുക്കപ്പെട്ട എം.പിമാരുടെ സത്യപ്രതിജ്ഞയാണ് നടക്കുക. മധ്യപ്രദേശില്‍ നിന്നുള്ള എം.പി വിരേന്ദ്രകുമാറാണ് സത്യപ്രതിജ്ഞ ചടങ്ങില്‍ പ്രോടേം സ്പീക്കറാകുക.

എം.പിമാരായി തെരഞ്ഞെടുക്കപ്പെട്ടവരുടെ സത്യപ്രതിജ്ഞയാണ് പാര്‍ലമെന്റ് സമ്മേളനത്തിന്റെ ആദ്യ രണ്ട് ദിവസവും നടക്കുന്നത്. മുതിര്‍ന്ന എം.പിയായ മധ്യപ്രദേശില്‍നിന്നുള്ള വീരേന്ദ്രകുമാര്‍ പ്രോടേം സ്പീക്കറാകുന്നതോടൊപ്പം മറ്റ് മുതിര്‍ന്ന എം.പിമാരുടെ ഒരു പാനലിനെയും ഈ സ്ഥാനത്തേക്ക് ചുമതലകള്‍ നിര്‍വഹിക്കുന്നതിനുള്ള സഹായത്തിനായി നിയമിക്കും.

മാവേലിക്കര എം.പി കൊടിക്കുന്നില്‍ സുരേഷ് അടക്കമുള്ള പാനലിനെയാണ് ഈ സ്ഥാനത്തേക്ക് നിയോഗിക്കുന്നത്. വ്യാഴാഴ്ച രാഷ്ട്രപതി രാംനാഥ് കോവിന്ദ്
പാര്‍ലമെന്റിനെ അഭിസംബോധന ചെയ്യും. രണ്ടാം മോഡി സര്‍ക്കാരിന്റെ ആദ്യ ബജറ്റ് ജൂലൈ അഞ്ചിന് ധനമന്ത്രി നിര്‍മ്മല സീതാരാമന്‍ പാര്‍ലമെന്റില്‍ അവതരിപ്പിക്കും.

മുത്തലാഖ് ബില്‍, കേന്ദ്രവിദ്യാഭ്യാസ സ്ഥാപനങ്ങളിലെ അധ്യാപക സംവരണബില്‍, ആധാര്‍ അടക്കമുള്ള ഭേദഗതിബില്‍ എന്നിവയും ഈ സമ്മേളനത്തില്‍ പാര്‍ലമന്റില്‍ എത്തുന്നുണ്ട്. പതിനേഴാമത് ലോക്‌സഭയുടെ സ്പീക്കാറായി ആരെയാണ് ബി.ജെ.പി നിയോഗിക്കുകയെന്ന വലിയ ആകാംക്ഷ നിറഞ്ഞ് നില്‍ക്കുമ്ബോള്‍ മേനക ഗാന്ധി അടക്കമുള്ള പലരുടെയും പേരുകള്‍ ആ സ്ഥാനത്ത് ഉയര്‍ന്ന് കേള്‍ക്കുന്നുണ്ട്.