मुंबई : अंधेरी, दादरमध्ये सर्वाधिक पाऊस

Share

Tweet

Share

Share

Email

Comments

काल सकाळपासून धुवांधार कोसळणाऱ्या पावसामुळे मुंबईकरांची लाइफ लाइन असलेली रेल्वे आणि रस्ते वाहतूक सेवा ठप्प झाली आहे. त्यामुळे मुंबईकरांचे मेगाहाल झाले आहेत. मुंबईत उपनगरात अंधेरीत आणि शहरात दादरमध्ये सर्वाधिक पावसाची नोंद झाली आहे. 

मुंबईत आज सकाळी ८ ते दुपारी २ दरम्यान अंधेरी,सांताक्रुझ, विलेपार्ले परिसरात सर्वाधिक पावसाची नोंद झाली असून या परिसरात २१४.३५ मिलिमीटर पावसाची नोंद झाली आहे. 

मुंबईत शहर भागात दादर परिसरात झाला १६८.१५ मिमी पावसाची नोंद झाली आहे. या खालोखाल वडाळा परिसरात १५८.९७, धारावीत १४८. ५८, रावळी कॅम्पमध्ये १३९.२ मिमी पावसाची नोंद झाली आहे. तर हिंदमाता परिसराचा समावेश असलेल्या एफ दक्षिण विभागात ११३.७८ मिमी पावसाची नोंद झाली आहे‌. मुंबई महानगरपालिका मुख्यालय येथे याच कालावधीत एकूण ६९.३५ मिलिमीटर पावसाची नोंद झाली आहे. 

पूर्व उपनगरांमध्ये आज दिवसभरात विक्रोळीत १८४.१७ मिलिमीटर पावसाची नोंद झालीे. या खालोखाल कुर्ला परिसरात १४७.८४ मिलिमीटर, भांडुप-नाहूर परिसरात १४४.२ मिमी, चेंबूर परिसरात १३२.७, तर घाटकोपर-विद्याविहार परिसरात १२४.९५ मिलिमीटर एवढ्या पावसाची नोंद झाली. 

पश्चिम उपनगरांत अंधेरी पूर्व परिसरात २१४. ३५ मिलीमीटर, तर अंधेरी पश्चिम परिसरात २००.१७ मिलिमीटर पाऊस पडला. मरोळमध्ये १८३.३८, विलेपार्लमध्येे १८२.८७, तर कांदिवली परिसरात १७०.६७ मिलिमीटर पावसाची नोंद झालीे.