Politics

पूरग्रस्त भागातील १०० शाळांची भाजपतर्फे होणार दुरुस्ती

By IndSamachar Bureau

Posted on 30/08/2019

भाजपच्या पूरग्रस्त सहायता समितीतर्फे पूरग्रस्त १०० गावांतील शाळांची साफसफाई व दुरुस्ती करून देण्यात येईल, असे प्रदेशाध्यक्ष चंद्रकांत पाटील यांनी गुरुवारी जाहीर केले. समितीची बैठक गुरुवारी मुंबईत प्रदेश कार्यालयात चंद्रकांत पाटील यांच्या अध्यक्षतेखाली झाली. बैठकीस समितीचे संयोजक रघुनाथ कुलकर्णी, प्रदेश उपाध्यक्ष चैनसुख संचेती, नीता केळकर व किरीट सोमय्या, प्रदेश कोषाध्यक्ष शायना एन. सी., भाजप सांगली शहराध्यक्ष आमदार सुधीर गाडगीळ व भाजप सांगली ग्रामीण जिल्हाध्यक्ष पृथ्वीराज देशमुख यांच्यासह पदाधिकारी व लोकप्रतिनिधी उपस्थित होते.

भाजपचे खासदार, आमदार, नगरसेवक, सरपंच असे २० हजारांपेक्षा अधिक लोकप्रतिनिधी असून त्यांनी दिलेल्या निधीतून आणि पक्षाच्या पदाधिकाऱ्यांनी दिलेल्या निधीतून पूरग्रस्तांसाठी निधीसंकलन झाले आहे.

पूरग्रस्त शंभर गावातील शाळांची साफसफाई व दुरुस्ती भाजपातर्फे करण्यात येईल. पुराच्या पाण्यामुळे शाळांमध्ये बुरशी वाढली आहे, तेथे पेस्ट कंट्रोल करून देण्यात येईल. तसेच भिंती पडल्या आहेत किंवा कुंपण पडले आहे तेथे दुरुस्ती करण्यात येईल. पूराच्या पाण्यात बुडालेल्या शाळांची रंगरंगोटी करून देण्यात येईल. या कामासाठी गावातील लोकांचीच समिती तयार करण्यात येईल. कामाचे अंदाजपत्रक तयार करण्यात येईल. गावातील कंत्राटदार ठरेल व समितीतर्फे दर आठवड्याला त्या त्या गावचा प्रमुख सांगेल त्याप्रमाणे निधी देण्यात येईल, असे चंद्रकांत पाटील यांनी सांगितले.

शाळांच्या दुरुस्तीप्रमाणे प्राथमिक आरोग्य केंद्रे, आंगणवाड्या यांनाही मदत केली पाहिजे व त्यासाठी पक्ष कार्यकर्त्यांनी व नागरिकांनी भाजपाच्या पूरग्रस्त सहायता समितीला निधी द्यावा, असे आपले आवाहन आहे, असेही ते म्हणाले.

IndSamachar

पूरग्रस्त भागातील १०० शाळांची भाजपतर्फे होणार दुरुस्ती

206 Comments

Leave a Reply

Popular News

Biden Says Netanyahu’s Approach To War In Gaza Is A ‘Mistake’

Torrential Rains Cause Travel Disruption; Dubai International Airport Forced To Shut Down Operations

PM Modi Says, Tamil Nadu Has Made Huge Contribution In Taking India Forward In Space Sector

United Nations Nuclear Watchdog IAEA, Expresses Concern Over Possibility Of Israeli Attack On Iranian Nuclear Facilities

Amarnath Yatra 2024: Pilgrimage To Begin From June 29, Registration From Tomorrow

LS Polls 2024: BJP Releases Election Manifesto ‘Sankalp Patra’

‘I Want To Win The 2027 World Cup’: Rohit Sharma

US, Japan, Philippines Trilateral Deal To Change Dynamic In South China Sea, Marcos Says

Moody’s Maintains Stable Outlook For India; Revises Real GDP Growth Projection To 8%

World Quantum Day 2024: India Aspires To Lead The World In Quantum Science And Technology

Twitter News Feed