രാജേഷ് ശര്‍മ്മ പ്രധാന കഥാപാത്രമായി എത്തുന്ന ഏറ്റവും പുതിയ മലയാള ചിത്രമാണ് തുരീയം. ചിത്രത്തിലെ പുതിയ പോസ്റ്റര്‍ പുറത്തിറങ്ങി. നവാഗതനായ ജിതിന്‍ കുമ്ബുക്കാട്ട് ആണ് ചിത്രം സംവിധാനം ചെയ്യുന്നത്. പി പ്രകാശ് കഥയും, തിരക്കഥയും, സംഭാഷണവും ഒരുക്കുന്ന ചിത്രത്തില്‍ സുനീര്‍, ശിവ കൃഷ്ണ, ഷോണ്‍ റോമി, ജീജ സുരേന്ദ്രന്‍, പ്രിയ വി എസ്, കലാഭവന്‍ റഹ്മാന്‍ എന്നിവരാണ് മറ്റ് പ്രധാന താരങ്ങള്‍.
ഓണാട്ടുകരയേയും അവിടുത്തെ വിശ്വാസങ്ങള്‍ക്കും ആചാരാനുഷ്ഠാനങ്ങള്‍ക്കും ഏറെ പ്രാധാന്യം നല്‍കി അവതരിപ്പിക്കുന്ന ചിത്രമാണ് തുരീയം. മാധവം മൂവീസിന്‍റെ ബാനറില്‍ ബിജേഷ് നായര്‍ ആണ് ചിത്രം നിര്‍മിക്കുന്നത്. ജി കെ നന്ദകുമാര്‍ ആണ് ചിത്രത്തിന്റെ ഛായാഗ്രാഹകന്‍. ചിത്രത്തിന് വേണ്ടി ഗാനങ്ങന്‍ എഴുതിയിരിക്കുന്നത് പി പ്രകാശ് ആണ്. ഗാനങ്ങള്‍ക്ക് ഈണം നല്‍കിയിരിക്കുന്നത് സിബു സുകുമാരന്‍, ആര്‍ സോമശേഖരന്‍, ദില്‍ജിത്ത് എന്നിവര്‍ ചേര്‍ന്നാണ്.
WhatsApp us