ന്യൂഡല്‍ഹി: രാജ്യത്തെ വ്യോമയാന, മാദ്ധ്യമ, ഇന്‍ഷുറന്‍സ് മേഖലകളില്‍ നേരിട്ടുള്ള വിദേശ നിക്ഷേപത്തിന് സര്‍ക്കാര്‍ തയ്യാറാണെന്ന് കേന്ദ്രധനകാര്യമന്ത്രി നിര്‍മ്മല സീതാരാമന്‍. പാര്‍ലമെന്റില്‍ ബഡ്‌ജറ്റ് അവതരണവേളയിലാണ് വിദേശ നിക്ഷേപം സംബന്ധിച്ചുള്ള മാനദണ്ഡങ്ങള്‍ ഉദാസീനമാക്കാന്‍ സര്‍ക്കാര്‍ ഉദ്ദേശിക്കുന്നുണ്ടെന്ന് മന്ത്രി വ്യക്തമാക്കിയത്. രാജ്യത്തിന്റെ സാമ്ബത്തിക മേഖലയിലെ ഉന്നമനം ലക്ഷ്യമിട്ടുകൊണ്ടാണ് ഇത്തരം നടപടികള്‍ ആലോചിക്കുന്നതെന്ന് മന്ത്രി പറഞ്ഞു.
‘ഇന്ത്യയിലേക്ക് നേരിട്ടുള്ള വിദേശ നിക്ഷേപം ആകര്‍ഷിക്കുക എന്നതുകൂടി ഉദ്ദേശിച്ചുകൊണ്ടാണ് ഇത് ഞആന്‍ മുന്നോട്ടു വയ്‌ക്കുന്നത്. ഇതുസംബന്ധിച്ച്‌ കൂടുതല്‍ നിര്‍ദേശങ്ങള്‍ സര്‍ക്കാര്‍ സ്വീകരിക്കും. വ്യോമയാനം, മീഡിയ, ഇന്‍ഷുറന്‍സ്, എ.വി.ജി.സി ( അനിമേഷന്‍, വിഷ്വല്‍ എഫക്‌ട്സ്, ഗെയിമിംഗ് ആന്റ് കോമിക്‌സ്‌) എന്നീ മേഖലകളിലാണ് നേരിട്ടുള്ള വിദേശ നിക്ഷേപം ആലോചിക്കുന്നത്’-ബഡ്‌ജറ്റ് അവരണ വേളയില്‍ നിര്‍മ്മല സീതാരാമന്‍ പറഞ്ഞു .
WhatsApp us