मस्जिद बंदरच्या नागदेवी क्रॉस लेन येथील सय्यद बिल्डिंगला आग लागल्यानंतर या इमारतीचं तोडकाम सुरू असताना इमारत कोसळून झालेल्या दुर्घटनेत एकाचा मृत्यू झाला आहे. या दुर्घटनेत दोन जण जखमी झाले असून त्यापैकी एकाची प्रकृती चिंताजनक असल्याचं वैद्यकीय सूत्रांनी सांगितलं.
आज सकाळी ८ वाजून ५५ मिनिटांनी सय्यद बिल्डिंगला अचानक आग लागली. ही संपूर्ण इमारत लाकडी असल्याने इमारतीने तात्काळ पेट घेतला. त्यानंतर इमारतीचं पाडकाम सुरू असताना इमारत कोसळली. त्यात एकाचा मृत्यू झाला. तर दोघेजण जखमी झाले. जखमींना जेजे रुग्णालयात उपचारासाठी दाखल करण्यात आले असून त्यातील एकाची प्रकृती चिंताजनक आहे.
WhatsApp us